பிப்ரவரி 25 தொடங்கி சுகமாய் சுபுலக்ஷ்மி திரைப்படப் பாடல்களை கேட்கலாம்...

பிப்ரவரி 25 தொடங்கி சுகமாய் சுபுலக்ஷ்மி  திரைப்படப் பாடல்களை கேட்கலாம்

22/02/2018

கார்த்திக் ஷாமலன் 'மெல்ல திறந்தது கதவு', 'என் விட்டு தோட்டத்தில்', தற்போது 'சுகமாய் சுபுலக்ஷ்மி' மே 17-இல் திரைக்கு வருகிறது. திரைப்படத்தின் இசை வெளியீட்டு விழா வரும் ஞாயிற்றுக்கிழமை தலைநகரில் நடைபெறுகின்றது. மலேசிய திரையுலக நட்சத்திரங்கள் இந்நிகழ்ச்சியில் கலந்து கொள்வார்கள் என எதிர்பார்க்கப்படுகின்றது.

சமேஷன் மணிமாறன் மற்றும் நிரோஷன் இசையமைப்பில் மொத்தம் 6 பாடல்கள் தயாரிக்கப்பட்டுள்ளன. கதையோடு இன்னும் அதிக சுவாரஸ்யமாக பாடல்கள் திரைப்படத்தில் இடம்பெற்றுள்ளன. சரேஷ், புனிதா சண்முகம், பாக்கியா, கர்ணன், குபேன் என பலர் நடித்துள்ளனர். திரையில் நாம் வில்லனாகப் பார்த்த குபேன், இத்திரைப்படத்தில் வித்தியாசமான கதாபாத்திரத்தில் நடித்துள்ளார். புதிய குபேனை நீங்கள் நிச்சயமாக பார்க்கலாம் என கார்த்திக் ஷாமலன் தெரிவித்துள்ளார்.

எதிர்பார்ப்புகளுக்கிடையில் இருக்கும் 'சுகமாய் சுபுலக்ஷ்மி' திரைப்படத்தின் பாடல்களுக்காக காத்திருப்போம்…..

 

...

அன்பர்கள் தினக் கொண்டாத்தில் கலைஞர்கள்

அன்பர்கள் தினக் கொண்டாத்தில் கலைஞர்கள்...

22/02/2018

கடந்த பிப்ரவரி 14இல் அன்பர்கள் தினத்தை நாம் கொண்டாடினோம். அன்பர்கள் தினம் என்றாலே நமது கலைஞர்களில் ஒரு சிலரை மறக்க முடியாது. ஏனென்றால் நாட்டில் கலைஞர்களாக இருந்து, இல்லற வாழ்க்கையில் இணைந்துள்ளனர். அவர்களில் ஒரு சில கலைஞர்களை இப்போது பார்க்கலாம்.

அகோந்திரன் பானுமதி தம்பதியினர்

இருவரும் கலைத்துறையில் பிரபலமான நடிகர்கள். எப்போதும் கலகலப்பாக இருக்கும் இவர்களை அனைவருக்கும் பிடிக்கும். நடிப்புத் துறையைத் தவிர்த்து, பல நிகழ்ச்சிகளில் அறிவிப்பாளர்களாகவும் இருக்கின்றனர்.

லூர்துநாதன் சுகன்யா தம்பதியினர்

நாட்டின் பிரபல பாடகர்களாக இருக்கும் இவர்களின் திருமணம் அதிகமாக பேசப்பட்டது. காரணம் தங்களின் திருணத்திற்காக “அன்பே எனதன்பே” எனும் பிரத்தியேகப் பாடலை தயாரித்தனர். வேறெந்த கலைஞர்களும் செய்யாத ஒரு புதிய முயற்சியாக இப்பாடல் இடம்பெற்றது. அதனைத் தொடர்ந்து, இவர்களின் இரண்டாவது பாடலான “உன் காதலால்” நல்ல வரவேற்பையும் பெற்றது.

பென் ஜி ஷீலா பிரவினா தம்பதியினர்

நடிகர்களாக இருந்து இல்லற வாழ்க்கையில் இணைந்த இந்த ஜோடி, கடந்த ஜனவரி 21ஆம் தேதி திருமண நிறைவு நாளைக் கொண்டாடினர். பென் ஜி தொடர்ந்து பல படங்களில் நடித்துகொண்டிருக்கிறார். நாட்டில் பலருக்கும் பிடித்த நடிகையாக இருந்த ஷீலா பிரவினா தயாரிப்பு பணிகளில் அதிக ஆர்வம் செலுத்தி வருகிறார்.

போய் ராஜ் மதில்டா ராஜ்

இவர்கள் இருவருக்கும் இசை மேல் அதிக ஈடுபாடு, அதுவே இவர்களை இணைத்துள்ளது எனலாம். பினாங்கைப் பிறப்பிடமாகக் கொண்ட இவர்கள் தலைநகரில் வசித்து வருகின்றனர். அடுத்து பல பாடல்களைத் தயாரிப்பதில் இந்த ஜோடி மும்முரம் காட்டி வருகிறனர்.

“நண்பா” விஜய் ரேவதி

நமது கலைத்துறையில் கலைஞர் ஒருவர், வானொலி அறிவிப்பாளரை கரம் பிடித்தது, முதல் முறை எனலாம். “நண்பா” விஜய் அனைவருக்கும் அறிமுகமானப் பாடகர். ரேவதி, ராகாவில் முன்னிலையில் இருக்கும் அறிவிப்பாளர்களில் ஒருவராக இருக்கின்றார். அன்பர்கள் தினத்தில் தங்களின் 13ஆவது பதிவுத் திருமண நிறைவு நாளைக் கொண்டாடியிருந்தனர்.

சதிஸ் நடராஜன் ஷாலினி பாலசுப்ரமணியம்

'கீதையின் ராதை' திரைப்பட வாயிலாக பலருக்கும் இந்த ஜோடி அறிமுகம் கண்டது. இவ்விருவரும் திரைப்படத் துறையில் பல லட்சியங்களோடு வந்தனர். எதிர்பார்த்த வெற்றிகளை இவர்கள் பெறத் தொடங்கியுள்ளனர். இவர்களின் முயற்சியில் 'திருடாதே பாப்பா திருடாதே' திரைப்படத்தை இவ்வருடம் எதிர்பார்க்கலாம்.

டேனிஸ் குமார் விமலா பெருமாள்

கலைஞர்களின் பெரும்பாலான நிகழ்ச்சிகளில் இந்த ஜோடியை நீங்கள் பார்க்கலாம். விமலா பெருமாள் இயக்கும் படங்களில் டேனிஸ் நடிப்பது வழக்கம். சந்திப்பு ஒன்றில் டேனிஸ் “என்னை அழகாக செதுக்கி, நிர்வகிப்பது தனது மனைவிதான்” என்றார். 'விளையாட்டுப் பசங்க', 'வெட்டிப் பசங்க'. 'வேற வழி இல்லை' போன்ற வெற்றித் திரைப்படங்களைத் தயாரித்த Veedu Production-இன் அடுத்த வெளியீடாக வருகிறது 'வெடிகுண்டு பசங்க'. மே மாதத்தில் இத்திரைப்படத்தை எதிர்பார்க்கலாம். முனைவர் விமலாவிற்கு நமது சீனப் புத்தாண்டு வாழ்த்துகளைத் தெரிவித்துக் கொள்வோம்.

 

...
இவ்வாரக் கலைஞர் இளைஞர்களின் கனவு நாயகன்

இவ்வாரக் கலைஞர் இளைஞர்களின் கனவு நாயகன்...

22/02/2018

தனது “Instagram’இல் அண்மையில் எடுக்கப்பட்ட புகைப்படத்தை நாடறிந்த பாடகரும், நடிகருமான முகேன் ராவ் “எம்.ஜி.ஆர்” பதிவு செய்திருந்தார். பல இளைஞர்களின் கனவு நாயகனாக இருக்கும் இவர், மலேசிய சினிமாவில் அடுத்தடுத்து பல வாய்ப்புகளைப் பெற்றுக் கொண்டிருக்கிறார்.

அண்மையில் அறிமுகம் கண்ட இவரின் “போகிறேன்” பாடலை “You Tube” இல் 1.6 மில்லியன் ரசிகர்கள் கேட்டுள்ளனர். தேவேந்திரன் அருணாட்சலம் இயக்கத்தில் “கோரா” திரைப்படத்தில் முகேன் முக்கிய கதாப்பாத்திரத்திலும் நடித்துள்ளார். அதன் வெளியீட்டிற்காக காத்திருப்போம். அவரின் அண்மைய புகைப்படம் இதோ உங்களுக்காக….

 

...
தமிழ் சினிமாவில் அடுத்தடுத்து பல வாய்ப்புகளை பெற்றுக் கொண்டிருக்கிறார் மலேசிய கலைஞர் சித்தார்த்த சங்கர்

தமிழ் சினிமாவில் அடுத்தடுத்து பல வாய்ப்புகளை பெற்றுக் கொண்டிருக்கிறார் மலேசிய கலைஞர் சித்தார்த்த சங்கர்...

22/02/2018

தமிழ் சினிமாவில் அடுத்தடுத்து பல வாய்ப்புகளை பெற்றுக் கொண்டிருக்கும் மலேசிய கலைஞர் சித்தார்த்த சங்கர் இவ்வாரம் நமது கவனத்தை ஈர்த்துள்ளார். தலைநகரைச் சேர்ந்த இவர், 2016 தொடங்கி சென்னையில் வசித்து வருகிறார். 2016இல் விஜய் அந்தோனி நடித்த “சைத்தான்” திரைப்படத்தில் வில்லனாக அறிமுகமானர். அதனைத் தொடர்ந்து நடிகர் சிபிராஜ் கதாநாயகனாக நடித்த “சத்யா” திரைப்படத்தில் வில்லான நடித்திருந்தார். தற்போது ஜி.வி. பிரகாஸ் குமார் நடிக்கும் “ஐங்கரன்” திரைப்படத்தில் நடிப்பதற்கான வாய்ப்பை பெற்றிருக்கும் சித்தார்த்த சங்கர், திரைப்பட வில்லனாக அதன் படப்பிடிப்பில் மும்முரமாக ஈடுபட்டு வருகிறார். ஜூன் மாதத்தில் “ஐங்கரனை” எதிர்பார்க்கலாம் என தெரிவிக்கப்படுள்ளது.

அதிகமான வாய்ப்புகளை சினிமாவில் பெற்றுக்கொண்டிருந்தாலும் கூட, கதைக்கு தாம் அதிக முக்கியத்துவம் வழங்குவதாக தெரிவித்த இவர், அதன் மூலம் சினிமாவில் தனக்கென ஓர் அடையாளத்தை ஏற்படுத்த முடியும் என்றார். பல கனவுகளோடு இருக்கும் மலேசிய கலைஞர் சித்தார்த்த சங்கர், எதிர்காலத்தில் மலேசியாவிலும், இந்தியாவிலும் திரைப்படங்களை தயாரிப்பதற்கான வாய்ப்புகள் கிடைக்கும் என்கிறார்.

"தமிழக சினிமாவில் இருக்கும் நீங்கள் ஏன் மலேசிய சினிமாவிற்கு இன்னும் வரவில்லை?" என்று கேட்டிருந்தேன். அதற்கு “ மலேசிய திரைப்படங்களில் நான் நடிக்கத் தயார். எனக்குப் பிடித்த கதை / கதாபாத்திரம் கிடைத்தால், நிச்சயம் நடிப்பேன்” என்றார். மலேசிய இயக்குனர்கள் தங்களின் அடுத்த திரைப்படத்திற்கு வில்லனை தேடிக்கொண்டிருந்தால், இவரை அணுகலாம். வில்லனா? அது சரி ஹீரோ போல இருக்கும் சித்தார்த்த சங்கர், விரைவில் கதாநாயகனாகவும் நடிப்பார் என எதிர்ப்பார்ப்போம்.

                                                                              

...
ஆஸ்ட்ரோ வானவில், ஆஸ்ட்ரோ உலகத்தில் ஈஷா யோகா மையத்தின் மகா சிவராத்திரி திருவிழாவின் சிறப்பு நேரடி ஒளிபரப்பு

ஆஸ்ட்ரோ வானவில், ஆஸ்ட்ரோ உலகத்தில் ஈஷா யோகா மையத்தின் மகா சிவராத்திரி திருவிழாவின் சிறப்பு நேரடி ஒளிபரப்பு...

12/02/2018

முக்கியத்துவம் வாய்ந்த மாபெரும் தெய்வீக விழாக்களில் மஹாசிவராத்திரி குறிப்பிடத்தக்க ஒன்றாகும். கோவை வெள்ளியங்கிரி மலை அடிவாரத்தில் உள்ள ஈஷா யோகா மையத்தில் ஒவ்வோர் ஆண்டும் வெகு விமரிசையாக மஹாசிவராத்திரி கொண்டாடப்படுகிறது.

 

இவ்வாண்டு நடைபெறவுள்ள மஹாசிவராத்திரி கொண்டாட்டத்தின் சிறப்பு நேரலை ஆஸ்ட்ரோ வானவில் மற்றும் ஆஸ்ட்ரோ உலகத்தில் ஒளியேறவுள்ளது. இன்று 13ஆம் தேதி மலேசிய நேரப்படி இரவு 8.15 மணி தொடக்கம் இந்தச் சிறப்பு நேரலை இடம்பெறவுள்ளது.

 

கடந்த ஆண்டு பிப்ரவரி 24-ஆம் தேதி 112 அடி உயர ஆதியோகி சிவனின் திருமுகத்தைப் பிரதமர் நரேந்திர மோடி திறந்து வைத்தார் என்பது குறிப்பிடத்தக்கது. கோவை ஈஷா யோகா மையத்தில், 112 அடி உயரம் கொண்ட சிவனின் முகத்தோற்றத்துடன் கூடிய சிலை வடிவமைக்கப்பட்டுள்ளது. சிவனின் முழுமையான முகத் தோற்றத்தைக் கொண்ட உலக அளவில் மிகப்பெரிய சிலையாக இது கருதப்படுகிறது.

 

அன்றைய இரவு முழுவதும் நடக்கும் நிகழ்ச்சிகளை ஆஸ்ட்ரோ வானவில் அலைவரிசை 201, ஆஸ்ட்ரோ உலகம் www.astroulagam.com.my அகப்பக்கத்தில் கண்டு களிக்கலாம்.

 

...
புகைப்பட கலைஞர்களுக்கான பயிற்சிப் பட்டறை

புகைப்பட கலைஞர்களுக்கான பயிற்சிப் பட்டறை...

12/02/2018

பாமிம் எனப்படும் மலேசிய இந்திய ஊடக நிபுணத்துவ சங்கத்தின் ஏற்பாட்டில் புகைப்படக் கலைஞர்கள், புகைப்படம் எடுப்பதில் ஆர்வம் கொண்டுள்ளவர்களுக்கான பயிற்சி நடைபெறவிருக்கிறது.

இந்தப் பயிற்சிப் பட்டறையில் கலந்து கொள்வதன் மூலம் டிஜிட்டல் புகைப்படக் கலை, கேமராவின் அம்சங்கள், கேமராவின் லென்ஸ், ஸ்பீட்லைட் (ஃபிலேஷ்) குறித்த விளக்கங்கள் பல்வேறு நிகழ்ச்சிகளுக்கு புகைப்படம் எடுக்கும் நுட்பங்கள், திறன், குறிப்பு ஆகியவை குறித்து திறன்பட அறிந்து கொள்ளலாம்.

இந்தப் பயிற்சிப் பட்டறை பிப்ரவரி 24ஆம் தேதி காலை 9.00 மணி தொடங்கி பிற்பகல் 3.00 மணி வரையில் ஜாலான் ஈப்போ, முத்தியாரா காம்பிளெக்ஸ்சில் நடைபெறவிருக்கின்றது.

புகைப்படக் கலையில் ஆர்வமுள்ளவர்கள், அனுபவம் உள்ளவர்கள், அனுபவம் இல்லாதவர்கள் என இருபாலரும் இப்பயிற்சிப் பட்டறையில் பங்கேற்கலாம்.

 

இந்தப் பயிற்சிப் பட்டறை முழுவதும் தமிழில் வழிநடத்தப்படுகின்றது. எனவே, முன்பதிவுக்கு உடனே குமாரி குசேலா 012-2500025, சுந்தர் 012-2921818 என்ற எண்களுக்குத் தொடர்பு கொள்ளுங்கள். சொந்த புகைப்பட கருவி வைத்திருப்பவர்கள் உடன் கொண்டு வரலாம். பங்கேற்பாளர்களுக்கு நற்சான்றிதழ் வழங்கப்படும்

...
மகா சிவராத்திரி உபயம்

மகா சிவராத்திரி உபயம்...

12/02/2018

ஆயர் பானாஸ், ஸ்தாப்பாக்கில் குடிகொண்டு அருள்பாலித்து வரும் அன்னை ஶ்ரீ முத்துமாரியம்மன் திருக்கோயில் தேவஸ்தானத்தில் வரும் 13.2.2018 செவ்வாய்க்கிழமை இரவு 7.00 மணிக்கு மேல் மகா சிவராத்திரியினை முன்னிட்டு நான்கு கால பூஜைகள் சிறப்புடன் நடைபெறும்.

பக்த மெய்யன்பர்கள் அனைவரும் திரளாக கலந்து கொண்டு சிவபெருமானின் அருட்கடாட்சம் பெற்றுய்யுமாறு நிர்வாக சபையின் சார்பில் செயலாளர் சு.செல்லதுரை அன்புடன் அழைக்கிறார்.

தொடர்புக்கு 03-40219920, 011-2350811

 

 

...
பல கோணங்களில் பயணிக்கும்   சுவாரஸ்யம் குறையாத திரைப்படங்கள்

பல கோணங்களில் பயணிக்கும் சுவாரஸ்யம் குறையாத திரைப்படங்கள்...

12/02/2018

ஒவ்வொருவருக்கும் வாழ்க்கையில் ஒவ்வொரு குறிக்கோள் இருக்கிறது. இளம் பருவத்தில் கல்வி கற்பதும், பின்னர் வேலை, பணம் ஈட்டுவதும், ஈட்டிய பணத்தை சேமிப்பது, மண வாழ்க்கையில் இல்லறம் நடத்துவதும் என பல குறிக்கோள்களை நோக்கியே பயணிக்கும் நமது செயல் நமது  குடும்பத்திற்கான நேரத்தை குறைத்துக் கொண்டே வருகிறது. அதனைச் சரி செய்யும் வகையில், குடும்பத்தோடு பார்த்து மகிழ நாள்தோறும் பல சுவாரசியமான திரைப்படங்களை ஒளிபரப்புகிறது ஆஸ்ட்ரோ விண்மீன் எச்டி (அலைவரிசை 231).

திங்கள் (12.02.2018) : சட்டம்   

செவ்வாய் (13.02.2018) :  மீண்டும் சாவித்திரி   

புதன் (14.02.2018) :  லவ் பேர்ட்ஸ்

வியாழன் (15.02.2018) :  மரகத நாணயம்

வெள்ளி (16.02.2018) :   ரஜினிமுருகன்   

சனி (17.02.2018)  :  டோரா இரவு 10 மணிக்கு

ஞாயிறு (18.02.2018) :  ஒரு நாள் இரவில் @ இரவு 10 மணிக்கு 

 

பல கோணங்களில் பயணிக்கும்  இத்திரைப்படங்களை ஒவ்வொரு நாளும் இரவு 11.00 மணிக்கு ஆஸ்ட்ரோ விண்மீன் எச்டியில் (அலைவரிசை 231) கண்டு மகிழுங்கள்

 

 

...
அன்பர்கள் தினக் கொண்டாட்டத்தில் கலைஞர்கள்

அன்பர்கள் தினக் கொண்டாட்டத்தில் கலைஞர்கள்...

09/02/2018

பிப்ரவரி என்றாலே அன்பர்கள் தினம்தான்… நாட்டில் கலைஞர்களாக இருந்து, இல்லற வாழ்க்கையில் இணைந்த ஜோடிகளின் சிறப்பு சந்திப்பை நீங்கள் படிக்க வேண்டுமா? அவர்களின் சுவாரஸ்யமான அனுபவங்களை அடுத்த வார இதழில் நீங்கள் தெரிந்து கொள்ளலாம்….

 

...
இவ்வாரக் கலைஞர் டத்தின்ஶ்ரீ

இவ்வாரக் கலைஞர் டத்தின்ஶ்ரீ...

09/02/2018

இவ்வாரம் தொடங்கி கலைஞர்களின் அண்மைய புகைப்படங்களை வாரம்தோறும் நீங்கள் பார்க்கலாம். தமது “Instagram’ இல் அண்மையில் எடுக்கப்பட்ட புகைப்படத்தை நாடறிந்த பாடகரும், நடிகையுமான டத்தின்ஶ்ரீ ஷைலா நாயர் பதிவு செய்திருந்தார். தமது அழகில் பல ரசிகர்களைக் கவர்ந்த கலைஞர்களில் இவரும் ஒருவர்.

டத்தின்ஶ்ரீ ஷைலாவின் புதிய பாடலான “பெண் அழ வேண்டாம்’ அறிமுகம் கண்டு தற்போது நல்ல வரவேற்பைப் பெற்றுக் கொண்டிருக்கிறது. புதிய குறுந்தட்டிற்கான பணியில் மும்முரமாக ஈடுபட்டுக்கொண்டிருக்கும் டத்தின்ஶ்ரீ-க்கு நமது வாழ்த்துகளைத் தெரிவித்துக் கொள்வோம்… அவரின் அண்மைய புகைப்படம் இதோ உங்களுக்காக….

 

...
மலேசியரைக் கவர்ந்த இசைமைப்பாளர்கள் யார்

மலேசியரைக் கவர்ந்த இசைமைப்பாளர்கள் யார்...

09/02/2018

ஒவ்வொரு வாரமும் மலேசியர்களைக் கவர்ந்த கலைஞர்களைப் பற்றி நாங்கள் வழங்கி வருகிறோம். இந்த வாரம் நம் நாட்டில் இருக்கும் இசையமைப்பாளர்களைத் தெரிந்து கொள்ளலாமா?

மலேசியத் தமிழ் இசைத்துறை அடுத்த கட்ட வளர்ச்சியை எட்டியுள்ளது. பல பாடல்கள் அனைத்துலக ரீதியில் அதிகமாக பேசப்பட்டுள்ளன. அவற்றில் “என்னைக் கொல்லாதே” பாடல் YOU TUBE-இல் 11 மில்லியன் ரசிகர்கள் கேட்டு மகிழ்ந்துள்ளனர்.

எத்தனை பேருக்கு “உயிரை தொலைத்தேன்” பாடல் பிடிக்கும்? மலேசியாவில் “wow” என்று அனைவரும் முணு முணுக்கும் பாடலாக இன்று வரை அமைந்துள்ளது. புனிதா ராஜாவின் “தப்பா பேசாதே”, “பாதி நிலவு”, “சுகூட்டர் வண்டி”, “அக்கா மக..” போன்ற பல பாடல்கள் நம் நாட்டின் இசைத்துறையை வளர்ச்சியடைய வைத்துள்ளன. இதற்குக் காரணம் நம் நாட்டில் இருக்கும் இசையமைப்பாளர்களே. அதில் மலேசியர்களைக் கவர்ந்த இசைமைப்பாளர்கள் யார்?

இசையமைப்பாளர்களில் ஜேய், ஸிதிஷ், தீபன், வர்மன் இளங்கோவன், சுந்தரா, திலிப் வர்மன், பாய் ரெட்ஜ், சுரேஷ் ரோகன் ஆகியோர் மலேசியர்களைக் கவர்ந்த இசையமைப்பாளர்களாக இருக்கின்றனர்.

ஒரு பாடல் வெற்றி பெற பாடகர்கள் மட்டும் காரணமல்லர், மாறாக அதன் வெற்றி அப்பாடலின் இசைமைப்பாளருக்கும், பாடலாசிரியருக்கும் பொருந்தும். அனைத்துலக ரீதியில் பல வித்தியாசமான படைப்புகளை பாடலின் வழி வழங்கிக்கொண்டிருக்கும் நம் நாட்டின் இசையமைப்பாளர்களுக்கு நமது வாழ்த்துகளை தெரிவித்துக் கொள்வோம்.

 

...
உள்ளூர் கலைஞரா நீங்கள்?

உள்ளூர் கலைஞரா நீங்கள்?...

09/02/2018

உங்களது செய்திகள் / தகவல்கள் இந்த “மண்ணின் நட்சத்திரம்” தொடரில் இடம் பெற வேண்டுமா? நீங்கள் 0143916919 எனும் எண்ணுக்கு அழைக்கலாம் அல்லது whatsapp செய்யுங்கள்.

மண்ணின் நட்சத்திரம்
தொகுப்பு
, ரவின்

...
மே மாதத்தில் வெடிகுண்டு பசங்க

மே மாதத்தில் வெடிகுண்டு பசங்க...

02/02/2018

“விளையாட்டுப் பசங்க”, “வெட்டிப் பசங்க”. “வேற வழி இல்லை” போன்ற வெற்றித் திடைப்படங்களைத் தயாரித்த Veedu Production-இன் அடுத்த வெளியீடாக வருகிறது “வெடிகுண்டு பசங்க”. 

டெனிஸ் குமார், மலேசியர்களுக்கு அதிகமாக பிடித்த கலைஞர்களில் ஒருவராக இருக்கிறார். அதனால், இந்த திரைப்படத்திற்கான எதிர்பார்ப்பு அதிகமாக உள்ளது. சங்கீதா கிருஷ்ணசாமி, சீலன், பிரகாஸ், “விழுதுகள்” ரேவதி, “விகடகவி” மகேன், குபேன் உட்பட பலர் நடித்திருக்கும் இத்திரைப்படத்தை, மே மாதத்தில் வெளியீடு செய்வதற்கான பணிகள் நடைபெற்று வருவதாக டேனிஸ் தெரிவித்தார்.

டாக்டர் விமலா பெருமாள், தமது “முனைவர்” பட்டத்தைப் பெற்று இயக்கும் முதல் திரைப்படமாக இடம்பெற்றுள்ளது. இத்திரைப்படத்தில் மாசானக் காளி உறுமி மேளக் குழுவினரும் நடித்துள்ளனர். அதோடு, இந்தக் குழுவோடு தாம் உறுமி மேள பயிற்சிகளை ஒரு மாத காலமாக மேற்கொண்டதாக டேனிஸ் தெரிவித்தார். திரைப்படத்தில் டேனிஸ் உறுமி வாசிக்கும் கலைஞராக இருப்பாரோ? பார்க்கலாம்…..

நான்கு பாடல்கள் இடம்பெற்றுள்ள இப்படத்தில், இந்தியாவைச் சேர்ந்த விவேக் மெர்வின் இசையமைத்துள்ளனர். அண்மையில் படத்தில் இடம்பெற்றுள்ள “வாட விளையாடு” பாடல் அறிமுகம் செய்யப்பட்டது. பாலன் கேஸ்மிர், அந்தோணி தாசன் பாடியுள்ள பாடலை, இதுவரை 390 000 மேற்பட்ட ரசிகர்கள் “You Tube” இல் கேட்டுள்ளனர். அடுத்து நாங்கள் அறிமுகம் செய்யும் இரண்டாவது பாடலில் மலேசியப் பாடகரும், இந்தியப் பாடகரும் பாடியிருப்பதாக டேனிஸ் தெரிவித்தார். 

இத்திரைப்படத்திற்கு மற்றுமொரு எதிர்பார்ப்பும் இருக்கின்றது. நாட்டின் சிறந்த நடிகைக்கான 3 விருதுகளை கடந்த வருடம் பெற்றவர் சங்கீதா கிருஷ்ணசாமி. அவர் நடித்த திரைப்படங்களில் வெளிவரும் முதல் திரைப்படமாக “வெடிகுண்டு பசங்க” இருக்கும் என்பதுதான் இதற்குக் காரணம். திரைப்படத் துறையில் அதிக வாய்ப்புகளைப் பெற்றுக் கொண்டிருக்கும் சங்கீதா, “வெடிகுண்டு பசங்க” படத்தில் எப்படி நடித்துள்ளார்? அதையும் பார்க்கலாம்….

இத்திரைப்படத்தை இந்தியா, சிங்கப்பூர், ஶ்ரீ லங்கா ஆகிய நாடுகளில் வெளியீடு செய்வதற்கான பணிகளும் நடைபெற்று வருகின்றன. “வெடிகுண்டு பசங்க” : திரையரங்குகளை அதிர வைக்குமா?

 

 

...