பெட்ரோல் விலை உயர்ந்தால் பிரிம் தொகை அதிகரிக்கப்படும்

பெட்ரோல் விலை உயர்ந்தால்  பிரிம் தொகை அதிகரிக்கப்படும்

13/02/2017

img img

கோலாலம்பூர், பிப். 12: 

பெட்ரோலின் விலை 3 வெள்ளியாக அதிகரித்தால், 'பிரிம்' எனப்படும் ஒரே மலேசியா உதவித் தொகையை அதிகரிக்க அரசாங்கம் தயாராக இருப்பதாக அறிவிக்கப்பட்டுள்ளது.

'பி40' சம்பளப் பிரிவு பணியாளர்கள் எதிர்நோக்கும் வாழ்க்கைச் செலவினங்களை அரசாங்கம் உணர்ந்துள்ளதாக நாட்டின் இரண்டாவது நிதியமைச்சரான டத்தோ ஜொஹாரி அப்துல் கானி தெரிவித்தார். 'பி40' பிரிவு பணியாளர்களின் தற்போதைய மாதாந்திர சம்பளம் 3,855 வெள்ளியாகும்.

"அரசாங்கம் தொடர்ந்து பெட்ரோலின் சந்தை விலையை கண்காணிக்கும். ஒருவேளை அதன் விலை தொடர்ந்து அதிகரித்தால், நாட்டின் வருமானமும் அதிகரித்தால் அரசாங்கம் குறைந்த வருமானம் பெறுபவர்களுக்கு உதவுவது குறித்து பரிசீலிக்கும்" என்றார் அவர். 

1,200 வெள்ளி உதவித் தொகை கூட போதாது, என்பதால் பெட்ரோல் விலை அதிகரிப்பை ஈடுசெய்யும் வகையில், அரசாங்கம் கூடுதல் உதவித் தொகையை வழங்கும். எனினும், தீவிர ஆய்வுக்குப் பின்னரே, உதவித் தொகையை அதிகரிப்பது குறித்து முடிவு செய்யப்படும் என அவர் தெரிவித்தார். 

 

பின்செல்