ராகாவில் செட்டிஙா...? ரிம 3,000 வரை வெல்லும் அரிய வாய்ப்பு!

ராகாவில் செட்டிஙா...? ரிம 3,000 வரை வெல்லும் அரிய வாய்ப்பு!...

20/04/2018

எதிர்வரும் ஏப்ரல் 23-ஆம் தேதி தொடக்கம் மே 4-ஆம் தேதி வரை ராகாவில் செட்டிஙா? எனும் போட்டி ஏற்பாடு செய்யப்பட்டுள்ளது. தங்களுடைய ரசிகர்களுக்காக ஏற்பாடு செய்யப்பட்டுள்ள இப்போட்டியில் ரிம 3,000 வரை வெல்லும் அரிய வாய்ப்பு காத்து கொண்டிருக்கின்றது. 

ஒவ்வொரு திங்கட்கிழமை முதல் வெள்ளிக்கிழமை ராகாவின் அதிகாரப்பூர்வ முகநூல் அகப்பக்கத்தில் ராகாவின் அறிவிப்பாளர்களால் பாடப்பட்ட பாடல் காணொளிகளில் பதிவேற்றம் செய்யப்படும். 

அக்காணொளிகள் ஏப்ரல் 23-ஆம் தேதி முதல் 27-ஆம் தேதி வரை பிற்பகல் 1.00 மணிக்கும் ஏப்ரல் 30-ஆம் தேதி முதல் மே 4-ஆம் தேதி வரை காலை 8.00 மணிக்கும் பதிவேற்றம் செய்யப்படும். 

ரசிகர்கள் அக்காணொளியைக் கண்டு களித்து ராகாவின் அறிவிப்பாளர்கள் தொகுத்து வழங்கும் நிகழ்ச்சிகளில் கேட்கப்படும் கேள்விகளுக்கு சரியான விடையளித்து 100.00 வெள்ளியை வெல்லலாம். குறிப்பிட்ட நேரத்தில் யாரும் வெற்றி பெறவில்லையென்றால் அத்தொகை அடுத்த நிகழ்ச்சியின் போது பனி பந்தாகும் (Snow Balls).

மேல் விவரங்களுக்கு raaga.fm அகப்பக்கத்தை நாடுங்கள்.

 

1949ஆம் ஆண்டுக்கு பின்னர்  லண்டன் நகரில் சுட்டெரித்த வெயில்

1949ஆம் ஆண்டுக்கு பின்னர் லண்டன் நகரில் சுட்டெரித்த வெயில்...

20/04/2018

லண்டன், ஏப்.21:

இங்கிலாந்து தலைநகர் லண்டனில் தற்போது கடும் வெயில் அடித்து வருகிறது. கோடைக்காலம் என்றாலும் இதுவரை இல்லாத அளவுக்கு வெயில் சுட்டெரிக்கிறது. நேற்று அதிகபட்சமாக மேற்கு லண்டன் பகுதியில் 27.9 செண்டிகிரேட் அளவுக்கு வெயில் பதிவாகியுள்ளது.

1949ஆம் ஆண்டுக்குப் பின்னர் இந்த அளவுக்கு வெயில் அடிப்பது இதுவே முதன்முறையாகும். குளிரில் வாழ்ந்து பழக்கப்பட்டுவிட்ட லண்டன் வாசிகள் வெயிலின் தாக்கம் தாங்காமல் குளிர் பிரதேசங்களுக்கு படையெடுத்து வருகின்றனர்.

 

மாண்டேகார்லோ டென்னிஸ் நடால், ஜோகோவிச் முன்னேற்றம்

மாண்டேகார்லோ டென்னிஸ் நடால், ஜோகோவிச் முன்னேற்றம்...

20/04/2018

மாண்டேகார்லோ, ஏப்.21:  

மாண்டேகார்லோ ஏடிபி டென்னிஸ் போட்டியில் முதல் வரிசை வீரர்களான நடால், ஜோகோவிச் முன்னேற்றம் கண்டுள்ளனர்.

கடும் காயத்தால் பல மாதங்களாக விளையாடாமல் இருந்த ஜோகோவிச் தனது 2ஆவது சுற்று ஆட்டத்தில் 7-6 (7/2), 7-5 என்ற ஆட்டக்கணக்கில் போர்நா கொரிக்கை வீழ்த்தி அடுத்த சுற்றுக்கு தகுதி பெற்றார். அடுத்த சுற்றில் ஆஸ்ட்ரியாவின் டொமினிக் தீம், காலிறுதியில் நடாலை ஜோகோவிச் எதிர்கொள்வார்.

10 முறை மாண்டேகார்லோ ஏடிபி கோப்பையை வென்றவரும், மற்றொரு முன்னணி வீரருமான நடால் 6-1, 6-3 என்ற செட் கணக்கில் ஸ்லோவேனியாவின் தாமஸ் பெடினை வீழ்த்தி காலிறுதிக்கு முந்தைய சுற்றுக்கு முன்னேறினார்.

ஜப்பானின் நிஷிகோரி 7-5, 6-2 என்ற செட் கணக்கில் ரஷியாவின் டேனியலை வீழ்த்தினார். இரண்டாம் நிலை வீரரான மரின் சிலிச் 6-3, 7-6 (7/4) என்ற செட் கணக்கில் பெர்ணாண்டோவை வென்றார்.