தெலுக் இந்தான் சித்திரா பௌர்ணமி திருவிழாவில்  தர்ம வேல் திட்டம்

தெலுக் இந்தான் சித்திரா பௌர்ணமி திருவிழாவில் தர்ம வேல் திட்டம்...

25/04/2018

ஆண்டு முழுவதும் சித்திரை தொடங்கி பங்குனி வரை முருகனுக்கு பல  உற்சவ விழாக்களும் விரதங்களும் அனுஷ்டித்து வருகின்றோம். பத்துமலையில் தைப்பூச உற்சவத் திருவிழாவிற்கு இருக்கும் தனி சிறப்பைப் போன்று தெலுக் இந்தானில் சித்திரா பௌர்ணமி உற்சவத் திருவிழாவிற்கும் தனிச்சிறப்புண்டு.

 

பக்த பெருமக்கள் இந்து சமய நெறிகளுக்கேற்ப ஆகம முறையில் பால் குடம் எடுப்பதற்கு உதவும் பொருட்டு சித்திரா பௌர்ணமித் திருநாளை முன்னிட்டு  'தர்ம வேல்' எனும் ஒரு திட்டத்தை மலேசிய இந்துதர்ம மாமன்றம் நடைமுறைப்படுத்தவுள்ளது.

 

தெலுக் இந்தான் ஸ்ரீ தண்டாயுதபாணி ஆலயத்தின் ஆசியுடனும், மாமன்ற அறங்காவலரும் ஆலோசனை மன்ற குழு தலைவரும் சனாதன தர்ம அறவாரியதின் ஸ்தாபகருமாகிய சிவஸ்ரீ அ.ப.முத்துக்குமார சிவாச்சாரியார் அவர்களின் ஆலோசனையுடனும், அருள்மிகு ஸ்ரீ காசி விஸ்வநாதர் ஆலயம், ஹிலீர் பேராக் இந்து சபா, தெலுக் இந்தான் ஸ்ரீ வெள்ளை விநாயகர் ஆலயம், ஸ்ரீ மகா மாரியம்மன் ஆலயம் (ஜாலான் கெகாபு), தெலுக் இந்தான் மலேசிய இந்து சங்கம், ஸ்ரீ ஞானானந்தா நாம சங்கீர்த்தன மண்டலி மலேசியா, மலேசிய இந்து அர்ச்சகர் சங்கம் ஆதரவோடு, மலேசிய இந்துதர்ம மாமன்றம் "தர்ம வேல்" திட்டத்தை மேற்கொள்ளவுள்ளது. 

 

இத்திட்டத்தில் பங்குகொள்ள விரும்பும் பக்தர்கள், தெலுக் இந்தான் டத்தாரான் சுங்கை பேராக் ஜாலான் பண்டாரில் அமைந்துள்ள அருள்மிகு ஸ்ரீ காசி விசாலாட்சி அம்பிகா சமேத ஸ்ரீ காசி விஸ்வநாதர் ஆலயம் (ஸ்ரீ மதுரை வீரன் ஆலயம்) ஆற்றங்கரை அருகே அமைக்கப்பட்டிருக்கும் தர்ம வேல் மையத்தில் 29.04.2018 அன்று விடியற் காலை 3.00 முதல் ஒன்றுகூட வேண்டும். பக்தர்கள் பால் குடம், பால், குடத்தில் கட்டுவதற்கான மஞ்சள் நிற வஸ்திரம் மற்றும் மல்லிப்பூ சரம் மட்டும் கொண்டு வந்தால் போதுமானதாகும்.

 

அங்கு விடியற் காலை 3.00 முதல் காலை 10.00 வரை  பால்குடம், பால் காவடி ஏந்தும் பக்தர்களுக்கு மாமன்றத் தன்னார்வலர்களின் உதவியுடன் பயிற்சி பெற்ற அர்ச்சகர்கள் பூஜையை முற்றிலும் இலவசமாகச் செய்து தருவர். அதன் பிறகு பக்தர்கள் தன்னிச்சையாக நேர்த்திக்கடன்களை செலுத்திட தெலுக் இந்தான் ஸ்ரீ தெண்டாயுதபாணி ஆலயத்தினை நோக்கிச் செல்லலாம். 

 

ஞானவேல் யாவருக்கும் பொதுவானதுபோல் தர்ம வேல் திட்டமும் யாவருக்கும் பொதுவானது. இத்திட்டத்தில் இணைய விரும்பும் பக்தர்கள் இந்துதர்ம மாமன்றத்தின் முகநூல் வழி (Facebook: Maamandram) விவரங்களை பெற்றுக்கொள்ளலாம். மேல் விவரங்களுக்கும் முன் பதிவிற்கும் தொடர்புகொள்ள வேண்டிய நபர் திரு.கு.தனபாலன் (012-2311049)

 

கட்சி தொடங்குவது உறுதி! ரஜினிகாந்த்

கட்சி தொடங்குவது உறுதி! ரஜினிகாந்த்...

25/04/2018

சென்னை, ஏப் 25: அரசியல் கட்சி தொடங்குவது உறுதி, கட்சி தேதி பின்னர் அறிவிக்கப்படும் என்று நடிகர் ரஜினிகாந்த் கூறியுள்ளார். உடல் பரிசோதனைக்காக நேற்று முன்தினம் இரவு அமெரிக்கா புறப்படும் ரஜினிகாந்த், சென்னை போயஸ் கார்டனில் செய்தியாளர்களிடம் பேசியபோது கூறியதாவது : 

அரசியல் கட்சி தொடங்குவது நிச்சயம். ஆனால் எப்போது தொடங்குவேன் என்று உறுதியாக சொல்ல முடியாது. அரசியல் கட்சி தொடங்கும் தேதி பின்னர் அறிவிக்கப்படும்.

செய்தியாளர்கள் குறித்து பாஜக நிர்வாகி எஸ்.வி.சேகர் தெரிவித்த கருத்து மன்னிக்க முடியாதது. தெரிந்து தெரியாமல் செய்தாலும் எஸ்.வி.சேகர் செய்தது மன்னிக்க முடியாத குற்றம். சீருடையில் இருக்கும் காவலரை தாக்குவது கண்டிக்கத்தப்பது. காவல்துறையினர் மீது கை வைப்பது என்பது மன்னிக்க முடியாதது. நிர்மலா தேவி விவகாரத்தில் விசாரணைக்குப் பின் கடுமையான நடவடிக்கை எடுக்க வேண்டும். நண்பர் என்ற முறையில் துக்ளக் செய்தியாசிரியரும் பிரபல ஆடிட்டருமான குருமூர்த்தியை சந்தித்ததாக ரஜினி தெரிவித்துள்ளார்.

ஒரு நிமிடத்திற்கு 25 ஆயிரம் ஈரோ டாலர் சம்பளம் பெறுகிறார் மெஸ்சி

ஒரு நிமிடத்திற்கு 25 ஆயிரம் ஈரோ டாலர் சம்பளம் பெறுகிறார் மெஸ்சி...

25/04/2018

பார்சிலோனா, ஏப்.26 -

பார்சிலோனா நட்சத்திர வீரர் மெஸ்சி 126 மில்லியன் யூரோ சம்பளமாக பெற்று ரொனால்டோவை பின்னுக்குத் தள்ளியுள்ளார்.

கால்பந்து போட்டியில் யார் சிறந்தவர் என்பதில் மெஸ்சி, கிறிஸ்டியானோ ரொனால்டோ, நெய்மர் ஆகியோருக்கு இடையே கடும் போட்டி நிலவி வருகிறது. குறிப்பாக கிறிஸ்டியானோ ரொனால்டோ, மெஸ்சி இடையே கடும் போட்டி நிலவி வருகிறது. போட்டியில் அதிகம் கோல் அடிப்பது, விருதுகள் வாங்குவதுடன் அதிக சம்பளம் பெறுவதில் முதல் இடத்திற்கும் போட்டியிட்டு வருகிறார்கள்.

கடந்த பருவத்தில் கிறிஸ்டியானோ ரொனால்டா 87.5 மில்லியன் யூரோ சம்பளம் வாங்கி முதல் இடம் பிடித்திருந்தார். மெஸ்சி 76.5 மில்லியன் யூரோ பெற்று 2 ஆவது இடம் பிடித்திருந்தார்.

ஆனால் இந்த பருவத்தில்  சம்பளம், போனஸ் மற்றும் கமர்ஷியல் வருமானம் ஆகியவற்றின் மூலம் மெஸ்சி 126 மில்லியன் யூரோக்கள் (1021.19 கோடி ரூபாய்) பெற்று முதலிடம் பிடித்துள்ளார். மைதானத்தில் களம் இறங்கி விளையாடும் ஒவ்வொரு நிமிடத்திற்கும் 25 ஆயிரம் யூரோ  சம்பளமாக பெறுகிறார்.

கிறிஸ்டியானோ ரொனால்டோ 94 மில்லியன் யூரோ  பெற்று 2 ஆவது இடத்தில் உள்ளார். நெய்மர் 81.5 மில்லியன் யூரோ பெற்று 3 ஆவது இடத்தில் உள்ளார். இந்த தகவலை பிரான்ஸ் புட்பால் பத்திரிகை செய்தி வெளியிட்டுள்ளது. ரியல் மாட்ரிட்டின் கரேத் பேலே 44 மில்லியன் யூரோவும், பார்சிலோனாவின் ஜெரார்டு பிக்காய் 29 மில்லியன் யூரோவும் சம்பளமாக பெறுகின்றனர்.

நிர்வாகிகளில் மென்செஸ்டர் யுனைடெட்டின் ஜோசே மொரின்ஹோ முதல் இடத்தில் உள்ளார்.